Гæздæнты Гайтойы райгуырды 120 азы бонмæ Дзæуджыхъæуы байгом сæрмагонд равдыст

Гæздæнты Гайтойы райгуырды 120 азы бонмæ Дзæуджыхъæуы бацæттæ кодтой сæрмагонд равдыст. Национ чиныгдоны æрæмбырд кодтой авторы куыстытæ, сарæзтой лекцитæ, радзырдтой йæ цард æмæ сфæлдыстады тыххæй. Гæздæнты Гайто райгуырд Петербургы, фæлæ йæ ныййарджытæ та сты Цæгат Ирыстонæй. Гайто уыд æгъдауджын, аргъ кодта йæ фыдæлтæн, æгæронæй уарзта йæ чысыл райгуырæн бæстæ. Ныр дæр та Ирыстоны æрымысыдысты зындгонд æмзæххоны. Экспозици бабæрæг кæнæн ис декабры кæронмæ.