Ахсджиаг форум

Æппæтдунеон экономикон форум абон райдыдта Санкт-Петербурджы. Æрбамбырд æм сты 15 мин адæймаджы, æдæппæтæй - 70 бæстæйы минæвæрттæ. Уыдоны æхсæн - егъау компаниты сæргълæулджытæ, политиктæ, амалхъом адæм. Цæгат Ирыстоны сæргълæууæг Битарты Вячеслав дæр ныртæккæ ис Петербурджы. Куыд ма хъусын кодтам, афтæмæй мадзалы сæйраг темæ у бæстæты `хсæн экономикон æууæнкдзинады рæзтыл бакусынын. Æрдзырдтой ма, нымæцон технологиты фæрцы экономикæйы цы ногдзинæдтæ фæзындзæн æмæ адæмы цæрынхъомдзинадæн куыд фæахъаз уыдзысты, ууыл. Форумы æппæты ахсджиагдæр цау уыд Уæрæсейы президент Владимир Путины фембæлд Францийы президент Эммануэль Макронимæ. Экспертты хъуыдымæ гæсгæ Петербурджы форумы ахадындзинад зынгæ бынат ахсы канд Уæрæсейы нæ, фæлæ æппæт дунейы дæр. Æхсызгон уый у, æмæ Петербурджы форум ацы аз æрцыд горæты 315 азы бонимæ иумæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv