Онкологон æххуыс кæныны 3 амбулаторон центры фæнд кæнынц Цæгат Ирыстоны байгом кæнын

Онкологон æххуыс кæныны 3 амбулаторон центры фæнд кæнынц Цæгат Ирыстоны байгом кæнын. Уый тыххæй фехъусын кодта республикæйы æнæниздзинад хъахъхъæнынады министрад. Амбулаторон центрты сæйраг хæс у - рынчынты диагностикæйы хæрзхъæддзинад фæхуыздæр кæнын. Мадзæлттæ æххæстгонд цæудзысты «Онкологон низтимæ тох»-ы регионалон проекты фæлгæты. Центртæ ифтонг уыдзысты нырыккон домæнтæн дзуапдæттæг кусæнгарзæй. Процедурæты æмгъуыд дæр фæкъаддæр уыдзæн. Афтæмæй онкологон низты миниуджытæ рагагъоммæ рабæрæг кæнын æнцондæр уыдзæн. Ацы аз ма сног кæндзысты республикон онкодиспансеры медицинон кусæнгарз. Бафтаудзыстæм ма уый, æмæ 2019- 2024 азтæн нысангонд нацпроект «Æнæниздзинад хъахъхъæнын»-æн бахардз кæндзысты 1 триллион 700 млрд сомы. Йæ руаджы медицинон лæггæдты хæрзхъæддзинад хъуамæ фæхуыздæр уа, уыимæ фæзыной ног куысты бынæттæ. Цæрджытæн та сæ зæрдыл лæууын кæнæм, медицинон æркаст цæуын кæй хъæуы æппынкъаддæр афæдз иу хатт. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv