Хи къухæй арæзт бæрæгбон!

Дзæуджыхъæуы 21-æм скъолайы ахуырдзаутæ сæ æрмдæсныйад равдыстой – се скъола Ног азмæ саив кодтой. Фæкастысты сæм сæ ахуыргæнджытæ æмæ сæ ныййарджытæ дæр. Ахуыргæнинæгтæн ацы ногазон куыстытæ фыццаг хатт не сты, æрвылаз дæр барæсугъд кæнынц сæ дыккаг хæдзар. Ацы хатт дæр та се 'рхъуыды у цымыдисаг: Бахизæны дуары сæрмæ æрбынат кодтой митын лæгтæ æмæ æрттиваг гæххæттыты тыхт лæвæрттæ. Чысыл æрмдæснытæ ма скъолайы фойейы сарæзтой равдыст: зымæгон аргъæутты сценæтæ, нæ горæты рæсугъдæр бынæтты макеттæ.  Ахуыргæнджыты ныхæстæм гæсгæ, мадзалы сæйраг хæс уыд аслам æмæ æнæхъæугæ æрмæг хардзгæнгæйæ скъола бæрæгбон арæзт скæнын. Бахъуыд сæ пластмассæйæ арæзт агуывзæтæ, дзабырты къоппытæ æмæ, лæвæрттæ цæмæй фæтухынц, ахæм цъæрттæ. Зæгъын ма хъæуы уый, æмæ экспонаттæ кæд хуымæтæг æрмæгæй конд сты, уæддæр зынарæзт æмæ æнахуыр сты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv