Аланийы кубок

Дзæуджыхъæуы кæронмæ æрхæццæ шахматтæй фыццаг республикон турнир «Кубок Алании», зæгъгæ. Ерыстæ райдыдтой 28 декабры. 10 бонмæ дзы сæ арæхстдзинад равдыстой 80 адæймаджы. Куыд Цæгат Ирыстонæй, афтæ иннæ регионтæй дæр. Ерыстæ арæзт æрцыдысты Цыбырты Кахаберы хъæппæрисæй. Æппæт хъæугæ фæрæзтæ радих кодта турнир саразынæн. Йæ ныхæстæм гæсгæ, сæйрагдæр нысан ын уыд шахматтæ нæ республикæйы парахат кæнын. Ерысты аразджытæ куыд зæгъынц, афтæмæй æппæт архайджытæ дæр æнтыстджынæй равдыстой сæ зонындзинæдтæ. Адæмы кар уыд алыхуызон. Уæлахиздзауты та схорзæхджын кодтой кубоктæ æмæ æхцайы премитæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv