Иу иннæйы куыд не'мбары

Æнæ иу цæстæй сывæллон инвалид нæу! Йе ‘нæниздзинад хъыгдард кæй у, уый æвдисæн гæххæттытæ йын радтын не ‘мбæлы. 9 аздзыд сывæллоныл фыдбылыз куы ‘рцыд, уæд ын, уый фæстæ йæ мадæн ахæм дзуапп радтой. Закъонмæ гæсгæ дам афтæ у, æмбарын кæнынц сылгоймагæн. Йæ иннæ цæстæй кæд иттæг хорз уыны, уæд ын инвалидны ном раттын не мбæлы. Афтæмæй та йын йæ цæф цæсты протез æрвылаз ивын хъæуы. Лæвары кой дзы нæй. Сывæллонæн куыд баххуыс кæнæн ис, уыцы фарстамæ æркаст не ‘сфæлдыстадон къорд. 9-аздзыд Виталичы мады ныхæстæм гæсгæ, сывæллонæн йæ цæст куы фецæф, уæд лæппуйыл 3-азы цыд. Кæд рæстæг рацыд, уæддæр йæ бон æххæстæй цæрын нæу. Йæхи иппæрдæй не нкъары, уарзы йе мгæрттимæ пуртийæ æмæ комьютерыл хъазын. Фæлæ йæ цæсты протез кæй ис, уый æдзух æнкъары. Адæмимæ дзурын дæр æфсæрмы кæны. Рахиз цæсты бæсты Виталикæн протез ис. Алы аз дæр æй хъæуы ивын. Кæннод, гæнæн ис, æмæ сывæллонæн йæ сæрыкæхц фæзылын уыдзæн. Протез та аразын хъæуы Мæскуыйы. Уырдæм атæхын, цалынмæ протез аразынц, уæдмæ дзы искуы бафысым кæнын æмæ протезы аргъ ...хæрдзтæ слæууынц 50 мин сомы. Бинонтæм уый бæрц æхца нæй. Сæ зæрдæ дарынц, лæппуйы инвалидыл кæй банымайдзысты æмæ йын протез саразынæн исты æххуыс кæй бакæндзысты, ууыл. Уæвгæ сын уæд протез лæвар хъуамæ кæной. Фæлæ профилон ведомствоты зæгъынц, уыцы хъуыддагæн гæнæн нæй. Нæ республикæйы хицауад сывæллонæн баххуыс кодтой. Цæгат Ирыстоны сывæллæтты бартæ хъахъхъæнæг Кокайты Алан куыд зæгъы, афтæмæй ахæм фарстатимæ л фыццаг хатт не ‘мбæлынц æмæ цæттæ сты баххуыс кæнынмæ. Хъыгагæн, ахæм уавæры иунæг Виталик нæу. Иу цæст кæмæн нæй, ахæм сывæллонæн инвалиды ном радтыны тыххæй курдиаттæ ведомствомæ æппынæдзух æрбахæссынц. Фæлæ сын разыйы дзуапп раттын сæ бон нæу. Бæрнон кусджытæ ацы фарста алыг кæнынæн уынынц æрмæстдæр иу фадат. Федералон закъонмæ ивддзинæдтæ бахæссын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv