Цæгат Ирыстоны цæуы профилактикон мадзал «Мак-2019»

Цæгат Ирыстоны цæуы профилактикон мадзал «Мак-2019». Наркотикхæццæ зайæгойтæ фесафыны куыст кæнынц Мидхъуыддæгты Министрады хайад æмæ наркотиктæ зилдух кæныны ныхмæ управленийы кусджытæ. Мадзалы фæлгæты Æрыдоны районы пъæлицæйы кусджытæ æмæ бынæттон администрацийы уæнгтæ скуынæг кодтой гæны къудзитæ.  Ахæм мадзæлттæ араздзысты бæрæг æмгъуыдмæ. Пъæлицæйы кусджытæ адæммæ сидынц, цæмæй, гæн кæм зайы кæнæ йæ барæй кæм ныссадзынц, ахæм бынæтты тыххæй хъусын кæной пъæлицæмæ. Уымæй уæлдай ма административон æмæ уголовон æгъдауæй æфхæрдзысты, цæрджытæй йæ зæххытыл ахæм зайæгой чи нæ куынæг кæна, уыдоны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv