Æнæниздзинады ног домæнтæ

Медицинон уагдæттæ хъæугæ хостæй сифтонг кæнын у ахджиаг хъуыддаг ныртæккæ. Фæлæ иууылдæр рынчындæттæ ййæфынц хъуаг. Алы бон дæр нæ республикæйы сæргълæууæгмæ цæрджыты курдиæттæ фылдæрæй фылдæр кæнынц. Хъаст кæнынц адæм. Уый тыххæй абон фехъусын кодта Битарты Вячеслав йæхæдæг медицинон уагдæтты разамонджыты æмбырды. Куыд загъта, афтæмæй æнæниздзинады хъахъхъæнынад размæ къахдзæфтæ тынг сабыргай кæны. Цæмæй рынчындæттæ хостæй дзаг уой, уый тыххæй фыццаджыдæр хъæуы æркæсын æлхæнын уагæвæрдтæм. Уæвгæ, куыд рабæрæг ис, атæмæй системæ раст дæр нæ кусы. Битарты Вячеслав бабар кодта хæстæгмæ рæстæг саразын куыстадон къорд. Йæ хæс уыдзæн 7 апрелмæ системæмæ лæмбынæг æркæсын. Æмбырды ма æрдзырдтой тагъдæххуысы дохтырты куысты, тыххæй. 1 апрелæй фæстæмæ та кусын райдайдзæн иугонд диспетчерон службæ. Баххуыс кæндзæн тагъдæххуысы къаретты фæткæвæрд цыдæн. Афтæмæй хæдтулгæтæм бирæ æнхъæлмæ кæсын нал хъæудзæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv