Цæгат Ирыстоны футболисттæ архайдтой дунеон ерысты

Цæгатирыстойнаг футболисттæ сæхи æнтыстджынæй равдыстой Дунеон чемпионаты футболæй. Архайынц дзы спортсментæ, се`нæниздзинад церебралон параличæй хъыгдард кæмæн у, ахæмтæ. Ерыстæ цæуынц Испанийы, горæт Сивиллæйы. Уæрæсейы иугонд командæйы ис 6 футболисты Цæгат Ирыстонæй. Уыдон сты Æлбегаты Георгий, Елойты Марат, Гæздæнты Сосланбег, Тыбылты Аслан, Гурам Чкареули æмæ Ника Миракишвили. Ахъазыдысты Аргентинæйы командæимæ æмæ сыл фæуæлазиз сты 5:0 хыгъдимæ. Ныр дарддæр хъуамæ фембæлой æрдæгфиналы Английы минæвæрттимæ. Хъазт цæудзæн абон, изæры 10 сахатыл. Бафтаудзыстæм ма уый æмæ æдыппæтæй чемпионаты футболæй архайы 16 командæйы. Сты Тайландæй, Нидерландтæй, Канадæйы æмæ дунейы æндæр бæстæтæй.  Уæрæсейы иугонд командæйы сæйраг тренер Автандил Барамидзе куыд зæгъы, афтæмæй ерыстæм сæхи бæстонæй цæттæ кодтой. Иугонд командæмæ чи бахауд, уыдоны рæвзæрстой чи сæрæндæр у æмæ иттæг хорз бæрæггæнæнтæ чи æвдисы, ахæмтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv