Хъæугæ ерыстæ

Цæгат Ирыстоны сывæллæтты хæдзæртты хъомылгæнинæгтæн фыццаг хатт фадат ис мини футболæй турниры бацархайынæн. Уый тыххæй ныхас цыд Битарты Вячеслав æмæ Парагвайы республикæйы Уæрæсейы минæварады секретарь Хъуыссæты Азæмæты фембæлды рæстæг. Нæ республикæйы сæргълæууæг уыцы хъуыддаг сæххæст кæнын бахæс кодта ахуырад æмæ наукæйы министрадæн. Цыбыр рæстæгмæ хъумæ ссарой хъæугæ фæрæзтæ, цæмæй сывæллæтты арвитой Санкт-Петербурджы ерыстæм. Уыдзысты декабры. Уæрæсейы алы регионтæй дзы архайдзысты 12 командæйы . Ахуырад æмæ наукæйы министрад хъуамæ сбæлвырд кæна нæ республикæйæ чи ацæудзæн, уыцы командæтæ. Футболисттæ сты 12-æй - 14 азы онг кæуыл цæуы, ахæм сывæллæттæ. Хъуыссæты Азæмæты ныхæстæм гæсгæ турнир цымыдисаг уымæй у æмæ дзы чи архайа, уыдонæн баххуыс кæндзысты бинонтæ ссарын. Турнир аразджытимæ куы ныхас кодтам, уæд нын загътой, ома, иуæй-иу регионтæй зын вæййы ног командæтæ скæнын æмæ сæ ерыстæм æрбарвитын. Уымæн æмæ ног ныййарджытæ ссарынц æмæ сæ уыдон сæ хæдзæрттæм акæнынц. Ацы мадзал тынг ахсджиаг у. Мæнæн тынг æхсызгон у, ацы хъуыддаджы кæй архайын, уый. Уæлдайдæр та нæ республикæйы сæргълæууæг дæр нæ фарс кæй у. Уырны мæ цы сывæллæтæ нæм ис, уыдонæн хорз фадæттæ кæй фæзындзæн. Фыццаджыдæр фендзысты æппæты рæссугъддæр горæттæй иу æмæ Хуыцауы фæрцы ног бинонтæ дæр ссардзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv