Мидхъуыддæгты министрады кусджытæ Ног азы фæдыл арфæ ракодтой сывæллæтты сæрмагонд хæдзары

Цæгат Ирыстоны Мидхъуыддæгты министрады медицинон-санитарон хайады кусджытæ Ног азы фæдыл арфæ ракодтой сывæллæтты сæрмагонд хæдзары хъомылгæнинæгтæн. Ахæм акцитæ пъагæтты чи ис, уыцы дохтыртæн систы хорз традици. Бæрнон кусджытæ сабитæн æрбахастой лæвæрттæ. Уый сабитæн уыд æхсызгон. Ам рæзынц, йæ цоты раст чи нæ хъомыл кодта, уыцы ныййарджыты сывæллæттæ, бирæты та сæ ныййарджытæ сæхæдæг ныууагътой. Сæрмагонд хæдзары хъомылгæнинæгтæ сæ уазджытæн бацæттæ кодтой музыкалон равдыст. Зарыдысты, кафыдысты, радзырдтой æмдзæвгæтæ. Барадхъахъхъæнджытæ ма семæ æрбахастой, уæлдæфон тымбылæгтæ, дыргътæ æмæ адджинæгтæ. Мадзал сæ зæрдæмæ фæцыд куыд уазджытæн, афтæ фысымтæн дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv