Цæгат Ирыстоны мысынц 1992-æм азы трагикон цаутæ

Цæгат Ирыстоны абон мысынц 1992-æм азы зæрдæриссæн цаутæ. 31 октябры Черменыхъæуы, Дачныйы, Камбилеевкæ, Куртат æмæ Октябрьскæйы æрцыд змæстытæ. Цыдысты 5 боны. Фæмард дзы 583 адæймаджы, 939 – æй фæцæф сты, 261 адæймаг ныр дæр нымад сты æбæрæгæй сæфтыл. Æрвылаз нæ республикæйы саразынц номарæн мадзæлттæ. Камбилеевкæйы хъæуы, 26 азы размæ фыдыуæзæг хъахъхъæнгæйæ чи фæмард, уыдоны ингæнтыл абон дидинджытæ сæвæрдтой. Мысæн мадзæлттæ цыдысты Дзæуджыхъæуы Намысы Аллеяйы дæр. Фыдбылызы амæттæгты цыртдзæвæнтыл дидинджытæ сæвæрдта нæ республикæйы сæргълæууæг Битарты Вячеслав, Хицауады æмæ Парламенты уæнгтæ, æхсæнадон архайджытæ, æдзард лæппуты хиуæттæ æмæ хæстæджытæ. Мехтиева Гульнарæ: «Æз афтæ хъуыды кæнын æмæ уыцы цаутæ Цæгат Ирыстоны арф фæд ныууагътой. Абон республикæйы æппæт цæрджытæн мæ зæрдæ зæгъы æнæниздзинад, фæлæ 30-октябрыæй, 4-æм ноябрмæ цы æвирхъау цаутæ æрцыд, уыдон рохгæнæн нæй. Мæнæн мæ бинойнаджы амардтой 4-æм ноябры. Уый уыд планетаримæ хæстæг. Хъуамæ сæ хъуыды кæнæм æмæ сæ мысæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv