15 октябры, райсомы 8 сахатæй, ирон театры кæртæй нормæ цæудзысты автобустæ

Хетæгкаты Къостайы гуырæн бон, Цæгат Ирыстон сбæрæг кæндзæн егъау кадджын мадзæлттæй. Сæ сæйрагдæртæ ацæудзысты Къостайы райгуырæн хъæуы. Уый фæдыл 15 октябры, райсомы 8 сахатæй, Ирон драмон театры фæзæй Нармæ цæуыдзысты автобустæ. Афтæмæй, алкæмæн дæр фадат уыдзæн Хетæгкаты Къостайы райгуырæн хъæу бабæрæг кæнынæн. Уыимæ ма лæвар. Кадджын мадзæлтты архайдзысты нæ республикæйы сæргълæууæг Битарты Вячеслав æмæ Хуссар Ирыстоны президент Бибылты Анатолий. Уыцы бон Мариинаг театры нæлгоймæгты хор æмæ бæхты театр «Нарты» саив кæндзысты се сфæлдыстадæй бæрæгбон. Равдисдзысты музыкалон-поэтикон спектакль «Праздник в горах», зæгъгæ. Уыимæ ма уазджытæн уыдзæн фадат националон æрмдæсныты æмæ этнографион равдыстытæ фенынæн, стæй раздæр ирон адæм куыд цардысты, уыимæ базонгæ цуæвынæн. Уый фæстæ та райдайдзæн стыр концертон программæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv