Дзæуджыхъæуы стадион «Спартачы» та цалцæггæнæн куыстытæ райдайдзысты фидæны аз

Дзæуджыхъæуы стадион «Спартачы» та цалцæггæнæн куыстытæ райдайдзысты фидæны аз. Уый тыххæй хъусын кæны республикæйы арæзтад æмæ архитектурæйы министр Касаты Таймураз. Профилон разамонæг куыд зæгъы, афтæмæй федералон оргæнтæм сæ курдиат балæвæрдтой. Арæзтадон куыстытыл бахардз кæндзысты 1 миилиард сомы. «Спартачы» рацарæзт къухы бафтыд республикæйы сæргълæууæг Битарты Вячеслав нæ бæстæйы разамындимæ куы фембæлд уый фæстæ. Уæд бацæттæ кодтой проектон-сметон гæххæтытæ. Рацарæзты фæстæ стадионы бынат уыдзæн 17 мин адæймагæн. Республикон стадион «Спартак» сарæзтой 57 азы размæ. Ныртæккæ дзы бынат ис 32 мин адæймагæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv