Æрыгон иртасджыты регионалон конкурс «Ступень в науку»

Æрыгон иртасджыты регионалон конкурс «Ступень в науку», зæгъгæ, райдыдта Дзæуджыхъæуы сывæллæтты сфæлдыстады республикон галуаны. Æркаст арæзт у сывæллæтты æмæ фæсивæды сфæлдыстадон æмæ наукон-техникон рæзты Федералон программæ «Национальное достояние России»- йы фæлгæты. Конкурс расидтысты 16-æм хатт. Йæ сæйраг нысан у сфæлдыстады алы къабæзты курдиатджын сывæллæттæ æмæ фæсивæды рабæрæг кæнын æмæ сын æххуыс кæнын. Ацы аз æркастмæ Цæгат Ирыстонæй сæ куыстытæ балæвæрдтой 260 адæймаджы. Уымæй уæлдай ма Хъæрæсе-Черкесийæ – 8. Æрыгон иртасджытæ сæ зонындзинæдтæ фæлварынц æрдзон-зонадон, техникон, математикон æмæ гуманитарон наукæты 22 къабазы. Куыстытæн аргъ скæндзæн экспертты совет. Уым сты республикæйы уæлдæр ахуыргæнæндæтты кусджытæ. Уæлахиздзаутæ æмæ призерты равзардзысты 31-æм январы. Цæгат Кавказы Суворовы номыл училищæйы ахуыргæнинаг: «Мæ проект хуыйны «Разработка, использование обобщенных наглядных ориентиров в курсе химии», зæгъгæ. Йæ сæйраг хæс – училищæйы ахуыргæнинæгтæн сæ ахуырадон фæтк фæрогдæр кæнын. Мæ проекты руаджы сывæллæттæ сæ зонындзинæдтæ фæбæрзонддæр кæндзысты химийæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv