100 спортсмены сæ тыхтæ бафæлвæрдтой Æппæтуæрæсеон ерысты  ивазæнтæй

100 спортсмены нæ бæстæйы 17 регионæй сæ тыхтæ бафæлвæрдтой Æппæтуæрæсеон ерысты  ивазæнтæй. Ивазæнты Æппæтадæмон федераци ацы аз ахæм чемпионат аразы 4-æм хатт. Цæгат Кавказы та арæзт цæуы 2-æм хатт. Турнир арæзт æрцыд Октябрьскæйы, Тедеты Елхъаны номыл спортивон комплексы. Йæ аразджытæ - Уæрæсе æмæ нæ республикæйы физкультурæ æмæ спорты министрæдтæ, стæй æхсæнадон организаци «Ирон федераци»-йы минæвæрттæ. Ерыстæ сты - квалификацион. Ацы турниры уæлахиздзаутæ дарддæр ацæудзысты Уæрæсейы чемпионатмæ. Уый цæудзæн 15-æй 18-æм маймæ Казаны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv