Дзæуджыхъæуы цæттæ кæнынц хъармгæнæн æмгъуыдмæ

Дзæуджыхъæу цæттæ кæны хъармгæнæн рæстæгмæ. Куыстытæ æххæстгонд цæуынц рагагъоммæ. Ныридæгæн уал горæты сæвæрдтой хъармгæнæнтæн се 60%. Дзæуджыхъæуы администрацийы сæргълæууæг Æлбегаты Барис бабæрæг кодта, Весеннийы номыл уынджы 15 хæдзары хъармгæнæны куыстытæ куыд цæуынц, уый. Йемæ ма уыдис цæрæнуæтты комуналон хæдзарады æмæ энергетикæйы комитеты сæрдар Хуасдзауты Мæирбег, Дзæуджыхъæуы хъармгæнæн хызæджы директоры хæстæ `ххæстгæнæг Хъараты Сослан. Фæззыгон-зымæгон рæстæгмæ цæттæ кæнын райдыдтой январы. Уый тыххæй фехъусын кодта Хуасдзауты Мæирбег. 11-æм микрорайоны ныртæккæ куыстытæ бæстонæй цæуынц. Дыууæ хъармгæнæны кусæнгæрзтæ ногæй ивынц. Уыдзысты автоматикон. Уый руаджы микрорайоны бирæуæладзыгон хæдзæртты, скъолаты æмæ сывæллæтты рæвдауæндæтты уыдзæн дзæвгар хъармдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv