Кировы районы нæ фаг кæны ахуыргæнджытæ

Кировы районы нæ фаг кæны ахуыргæнджытæ. Бæлвырддæр дзургæйæ та математикæйы, æхсæнадзонынад, физикæ æмæ англисаг æвзаджы ахуыргæнджытæ. Уый тыххæй хъусын кæны районы сæргълæууæг Нæкуысаты Барис. Куыд радзырдта, афтæмæй Ставд-Дурты математикæйы ахуыргæнæг уæвгæ дæр нæй. Район фиды уæлæмхасæн æхцайы фæрæзтæ, ахуыргæнджытæн фæндаггагæн. Педагогты мыздмæ районы бюджетæй рахай кæнынц 5 минæй 10 мин сомы онг. Æдæппæтæй 26 ахуыргæнæгæн. Сæ фылдæр æрцæуынц Дзæуджыхъæуæй, бирæтæ та районæй. Уæ зæрдыл уын æрлæууын кæндзыстæм Цæгат Ирыстоны 2020-æм азы бакуысдзысты «Земский учитель», зæгъгæ, программæйыл. Уый фæлгæты 16 ахуыргæнæджы ацыдысты хъæуты скъолатæм кусынмæ. Уыдон иу хаттæн райсдзысты милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv