Дзæуджыхъæуы байгом фыццаг инклюзивон театр

Цæгат Ирыстоны байгом йе нæниздзинад хъыгдард кæмæн у уыцы сывæллæттæн фыццаг инкюзивон театр. Цæгат Ирыстоны паддзахадон университеты студенттæ сывæллæттæн равдыстой спектаклтæй скъуыддзæгтæ. Сывæллæттæ сæхæдæг дæр ахъазыдысты аргъау «Колобок» æмæ «Курочка ряба»-йы. Мадзал сарæзтой æппæтуæрæсеон акци «Культурный минимум»-ы фæлгæты. Йæ амидингæнджытæ – Цæгат Ирыстоны паддзахадон университет æмæ «Ростелекомы» цæгатирыстойнаг филиал. Йæ сæйраг хъуыды- йæ æнæниздзинад хъыгдард цы сывæллæттæн у уыдонæн фадат уа иннæ сабитимæ иумæ архайын. Цæмæй се хсæн хæлардзинад уа. Проект уыдзæн ацы азы кæронмæ. Кæронбæттæны равдисдзысты спектакль. Сывæллæттимæ сценæйыл æмархайд кæндзысты цыргъзонд æмæ æрхъуыдыджынты фæсивæдон театры актертæ. Равдыст фенæн уыдзæн Дзæуджыхъæуы гом арвы бын фæзыл. Ныййарæг Мамиты Лаурæ: «Нæ республикæйы ахæм мадзал кæй сарæзтой уый мын тынг æхсызгон у. Рагæй æнхъæлмæ кастыстæм цæмæй нын нæ сывæллæттæн инклюзивон театр байгом кæной. Ахсджиаг хъуыддаг у. Нæ сабитæ цардмæ æндæр цæстæй кæсын райдайдзысты, гыццыл сæм ныфс дæр фæзындзæн. Тынг хорз уаит цæмæй нæ республикæйы йе нæниздзинад хъыгдард кæмæн у, уыдонæн бакæной сæрмагонд аивадон секцитæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv