Дзурыс ма æмæ нал!

Федерацийы Совет хорзыл банымадта Уæрæсейы роуминг айсыны тыххæй хъæппæрис. Ахæм уынаффæ сенатортæ рахастой абоны `мбырды. Мобилон бастдзинады оператортæн бахæс кодтой иугонд тарифтæ снысан кæнын алы дзæнгæрæгæн дæр. Уæлдай нæу, æгас Уæрæсейы адæймаг цы ран ис, уый. Уæ зæрдыл уын æрлæууын кæндзыстæм, роуминджы фарста дзырддаг кæй у рагæй. Ныхас ыл цыд егъау компаниты `хсæн. Роуминджы фиддон кæй фæбæрзонддæр кодтой, уый аххосæй ма бастдзинады æртæ операторы ивар дæр фæкодтой. Федерацийы Советы спикер Валентина Матвиенко ацы проект схуыдта, бирæ рæстæг кæмæ æнхъæлмæ кастысты адæм, ахæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv