2020-æм азы цæгат ирыстонæй йæ цард фыдыбæстæйы сæраппонд чи ратта, уыдоны номыл сараздзысты намысы

Фыдыбæстæйы Стыр хæсты уæлахизы 75-азы бæрæг кæныны мадзæлтты фæлгæты Цæгат Ирыстоны сараздзысты намысы мемориал. Хæсдзæн хæсты рæстæг не 'мзæххонтæй Сырх æфсады хæцгæйæ, республикæ немыцаг фашисттæй уæгъд кæнгæйæ чи фæмард, кæнæ фесæфт, уыдоны ном. Цæгат Ирыстоны Ветеранты Совет æмбырд кæны информаци хæсты чи архайдта, уыдоны тыххæй. Не 'мзæххонтæй бирæтæ Цæгат Ирыстоны нæ цардысты, афтæмæй сæ æгас Советон Цæдисæй хæстмæ акодтой. Æрвылбон райсомы 9 сахатæй боны 13 сахатмæ фадат ис Ветеранты Советмæ æрбацæуынæн Дзæуджыхъæуы Максим Горькийы номыл уынджы 13-æм хæдзармæ æмæ базонын, чи ис мемориалон номхыгъды. Кæд дзы уæ хæстæджытæй искæй ном фыст не 'рцыд, уæд ын æй бафтаудзысты, архивты æмбæлгæ информаци ссаргæйæ. Ветеранты Советы уæнгтæ куыд зæгъынц, афтæмæй сæм ныридæгæн æрбахастой 100 курдиатæй фылдæр. Фаг вæййы салдаты ном, кæд райгуырд уый, стæй исты фыстæг, хæсты рæстæг кæй æрвыста, уыдонæй. Ацы куыст Ветеранты Советы уæнгтæ кæнынц 18 азæй фылдæр, вæййынц районты дæр. Фæлæ сæ ныхæстæм гæсгæ, рохуаты чи аззад, уыдоны нымæц уæддæр нырма бирæ у. Мемориал саразынæй уæлдай ма, пъланмæ гæсгæ хъуамæ рацаразой Гæздæнты æфсымæрты цыртдзæвæн, Барбашовы номыл мемориалон комплексы та - равдыст «Битва за Кавказ», стæй ма фæнд кæнынц байгом кæнын Советон Цæдисы хъæбатырты бюсттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv