Арвыкомы фæндаг нырма æхгæд у

Æвзæр боныхъæды уавæртæм гæсгæ Фæскавказмæ фæндæгтæ æртæ боны сты æхгæд. Уæллаг Ларсы уадзæн пункты лæугæйæ баззадысты æхсæзсæдæ рог æмæ уæзласæн машинæйы. Æнæнхъæлæджы уавæрты министрады сæргълæууæджы фыццаг хæдивæг, булкъон Юрий Землянскийы ныхæстæм гæсгæ аразынц алцыдæр, цæмæй адæм сæ уавæрæй ма стыхсой. Байгом дзы кодтой хъармгæнæн пункт, уым адæмы бон у тæвд цай бацымын æмæ баулæфын. Уымæй уæлдай ма дзы рад хæссынц тагъд æххуысы æмæ фыдбылызты медицинæйы къордтæ. Ныртæккæ дохтырты `ххуыс райстой 25 адæймагæй фылдæрæй. Ис ма дзы мад æмæ сывæллонæн уат. Гуырдзыстоны рдыгæй ныртæккæ фæндаг сыгъдæг кæнынц, аразынц алыхуызон мадзæлттæ фæндаг байгом кæнынæн. Цæмæй бæлццæттæ æмæ шофыртæ сæ хæдзæрттæ ссарой, уый тыххæй. Фæндаг байгом кæндзысты хицауады сæрмагонд уынаффæмæ гæсгæ. Æнæнхъæлæджы уавæрты управленийы сæргълæууæджы фыццаг хæдивæг Юрий Землянский: «Цæмæй адæм æххуысхъуагæй ма баззайой, уый тыххæй сын аразæм алыхуызон мадзæлттæ. Кусынц сæрмагонд хъармгæнæн бынæттæ, ис дзы тæвд цай, дохтыртæ цæттæ сты адæмæн медицинон æххуыс бакæнынмæ». Ашот Мартиросян: «Алцыдæр вæййы. Иуылдæр стæм адæм. Лæууæм. Стыр бузныг алкæмæн дæр, кæй нын æххуыс кæнынц, уымæй. Пъæлицæ, тагъд æххуысы къорд, æнæнхъæлæджы уавæрты мининстрады кусджытæ, иууылдæр нæ уæлхъус æрбалæууыдысты». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv