1 миллиард сомæй фылдæр уæлæмхасæн хуызы рахай кодтой промышленнон ипотекæйы программæйæн

1 миллиард сомæй фылдæр уæлæмхасæн хуызы рахай кодтой промышленнон ипотекæйы программæйæн. Хицауад аразы алыхуызон мадзæлттæ нæ бæстæйы кондадты рæзтæн. Уый руаджы куыстуæттæн сæ бон уыдзӕн льготæтимæ 'фстау фæрæзтæ райсын, цæмæй сæ кондадтæн фæзуæттæ 45 миллиард сомы аргъӕн райсой. Промышленнон ипотекæйы программæ райдыдта фарон. Сарæзтой йæ нæ бæстæйы президенты хъæппæрисæй. Амалхъом адæмы дæр тынг сцымыдис кодта. Кредиттæ дæттынц 7 азмæ. Льготæимæ ставкæ у 5% азмæ. Инновацион технологон куыстуæттæн та ма ноджы къаддæр - 3% афӕдзмӕ. Кредит æппæты фылдæр райсӕн ис 500 милуан сомы. Базарадон æмæ льготæимæ ставкæты хицæндзинад та банктæн бафиддзæн паддзахад.