Хъæууон хæдзарады кусджыты æнцойдзинадæн

Регионмæ фылдæр хъæууон хæдзарадон техникæ æрласын æмæ хæрзхъæд фосы мыггагыл бакусыныл абон ныхас кодтой Битарты Вячеслав æмæ «Росагролизинджы» минæвæрттæ. Компанийы генералон директор Валерий Назаров радзырдта кооперацийы программæйы ногдзинæдты тыххæй. Йæ фæлгæты хъæууон хæдзарадон къабазы кусджытæн æнцондæрæй балхæнæн ис кусæнгæрзтæ æмæ техникæ, компани сын æххуыс кæны хорæмбырдгæнæнтæ аразын. Хæстæгдæр рæстæг та республикæ æмæ компани бафысдзысты æмгуыстады бадзырд. Уæд нæ регион бахæсдзысты ног хъæууон хæдзарадон техникæ æлхæныны программæмæ. Цæгат Ирыстоны хъæууон хæдзарадон министрадæн Битарты Вячеслав бахæс кодта хуыздæр куыстуæтты æмæ хæдзарæдтæ равзарын æмæ сæ номхыгъд саразын. Бар сын уыдзæн техникæ льготæтæм гæсгæ æлхæнын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv