Сгуыхт тренеры кадæн

Дзауджыхъæуы байгом кодтой мемориалон фæйнаг Уæрæсейы сгуыхт тренер Еналдыты Аслæнбегæн. Зындгонд атлеты ном æрхъуыды кæнынма арбацыдысты бæрнон кусджытæ, хиуæттæ æмæ спортсмены хæлæрттæ, æхсæнадон организацийы минæвæрттæ, горæты цæрджытæ. Уазджытæ радзырдтой, Еналдыты Аслæнбег цы стыр куыст бакодта спорты, уый тыххæй. Æрхъуыды кодтой, цавар адæймаг уыд, уый дæр. Ныхасы бар - нæ уацхæсджытæн. Аслæнбеджы хуызæн адæм сæ уд, зонындзинæдтæ æнæвгъауæй лæвар кæнынц кæстæртæн. Тырнынц уæлахизтæм, иу æнтыстдзинад ивынц иннæмæй. Фæлæ уæддæр баззайынц хуымæтæг адæмæй. Зындгонд тренер райгуырд æмæ схъомыл Цæгат Ирыстоны. Йæ фыдыбæстæ тынг уарзта æмæ йæ фæндыд йæ кой айхъусын кæнын æгас дунейыл. Уыцы рæстæг адæм архайдтой спортæй сæ зæрдæйы дзæбæхæн. Тырныдтой сæ фыдыбæстæйы ном айхъуысын кæнын,тырнын размæ.Фыстой спортсментæн чысыл стипенди. Аслæнбег уыд фыццаг ирон штангист,кæцыйы кой фехъуыста æппæт дуне. Еналдыты Асланбег уыд ахæм æгъдауыл хæст адæймаг æмæ бирæтæн сси фæзминаг. Йæхиуыл куыд куыста, иннæ адæмыл дæр афтæ. Æвæджиауы дисциплинæ æмæ хæларзæрдæ уд - спортсмен ахæм миниуджыты хицау уыд. Аслæнбег йæ цардæй куы ахицæн, уæдæй фæстæмæ йæ иууылдæр тынг мысынц. Рæстæг æй нæ уадзы рох кæнын. Адæмы зæрдæты цæргæйæ баззад. Мемориалон фæйнæг байгом кæнынæн сахат йеддæмæ нæ бахъуыд. Фæлæ рæстæг та циу æцæг ном æмæ æцæг кады цур? Еналдыты Аслæнбег уыцы хорзæхтæй фæхайджын æххæстæй. Куындыхаты Алинæ, Гаситы Георгий, Игорь Войцеховский, Ирыстоны хабæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv