Хицауад дарддæр дæр архайы цæрæнуатон-коммуналон хæдзарады рæзтыл нæ бæстæйы. Президенты уынаффæмæ гæсгæ, аразынц модернизацийы дæргъвæтин æмæ бирæвæрсыг программæ. Фæрæзтæ йын исынц куыд бюджетæй, афтæ æндæр рæттæй дæр. Ахæм бæстыхæйттæ саразынæн æмæ сног кæнынæн регионтæн сæ бон у инвестицитæ паддзахадон æмæ хицæн æмбаладты фæрцы агурын. Цæрæнуатон-коммуналон хæдзарадты объекттæ компанитæн раттыны фæдыл хицæуад хæссы ивддзинæдтæ «О концессионных соглашениях», зæгъгæ, закъонмæ. Уым æрфысдзысты, компанитæм цы домæнтæ хауы, уыдон. Сӕ руаджы æвзæрст цæудзысты æрмæстдæр æууæнкджын куыстуæттæ. Михаил Мишустины ныхæстæм гæсгæ, ацы мадзæлттæ феххуыс уыдзысты коммуналон инфраструктурæйы фондтæ сног кæнынæн, инвесторты агурыны хъуыддаджы фæлитой митæ ма бауадзынæн. Уæдæ адæмæн та уыдзæн хæрзхъæд лæггæдтæ ацы къабазы.