Тускъаты Таймураз абон кусæг балцы бæрæг кæны республикæйы ахсджиаг социалон объектты арæзтад

Цæгат Ирыстоны хицауады сæрдар Тускъаты Таймураз абон кусæг балцы бæрæг кæны республикæйы ахсджиаг социалон объектты арæзтад. Премьер федта национ музейы уавæр. Уым сног кодтой агуыридурæй арæзт къултæ. Куыстытæ цæуынц бæлвырд фæткмæ гæсгæ. Уымæй уæлдай Тускъаты Таймураз бабæрæг кодта дыууæ ног объекты арæзтад. 18-æм микрорайоны афæдзы кæронмæ фæзындзæн ног скъола. Бынат дзы уыдзæн 500 сывæллонæн. Куыстытæ дзы сæ тæмæны бацыдысты. Афтæ 19-æм микрорайоны дæр. Уым та аразынц 1100 бынаты кæм уыдзæн, ахæм скъола. Ног азы ардæм рахондзысты 46-æм скъолайы ахуырдзауты иу хай. Хицауады сæрдар федта кабинеттæ æмæ актовый зал. Тускъаты Таймураз ма федта 107 -æм æмæ 65-æм сывæллæтты рæвдауæндонтæ дæр. Ам аразынц уæлæмхасæн бæстыхæйттæ. 65-æм рæвдауæндоны ма базилдзысты кæртмæ дæр. Хицауады сæрдары кусæг балцы тыххæй уын бæлвырддр радзурдзыстæм нæ дарддæры равдыстыты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv