Федералон бюджет уæлæмхасæн аргъы хъалон 2019-æм азы кæй фæбæрзонддæр кодтой, уый тыххæй бюджет фæфы

2 трлн сомы фæфылдæр уыдзæн федералон бюджет Уæлæмахсæн аргъы хъалон ацы аз кæй фæбæрзонддæр кодтой, уый тыххæй. Уæрæсейы финансты министрады куыд фæбæрæг кодтой, афтæмæй уыцы бæрæггæнæн иннæтимæ абаргæйæ зынгæ фылдæр у. Уæлæмхасæн аргъы хъалон ныртæккæ у 20%, фæфылдæр æй кодтой ацы аз æмæ уый фæрцы фæнд кæнынц æфтиæгтæ ноджы фылдæр райсын. Афтæмæй, 2020-æм азы бюжетмæ хъуамæ хаст æрцæуа - 639 млрд сомы. 2021-æмы - 686 млрд сомы, 2022-æм азы та бюджет бабæстондæр кæндзысты 737 млрд сомæй. Уый тыххæй пълан фенæн ис Федералон бюджеты проекты. Уый хынцгæйæ, специалисттæ фæнд кæнынц, инфляцийы бæрцæй схизын, 4% алы аз дæр. Уæлæмхасæн аргъы хъалонтæй цы æрæмбырд уа, уымæй, зæгъæм, сæххæст кæнæн ис цæрæнуæтты-коммуналон хæдзарад æмæ æрдз хъахъæныны федералон бюджеты хæрдзтæ. Ахаддзысты æфсæддонты пенситыл дæр. 2019-æм азы, Уæлæмхасæн аргъы хъалоны ставкæ ма 18 проценты куы уыд, уымæй фиддонтæ бюджетмæ баххæст кæндзысты 507 милуан сомы бæрц. 20 проценты снысан кодтой 9 мæйы æмгъуыдмæ. Финансты министрады бæрæггæнæнтæм гæсгæ, уæдæй нырмæ бюджетмæ æфтиæгтæ фæфылдæр сты 16 проценты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv