Йæ ном цæрдзæн æнустæм

Республикæйы абон фæстаг фæндараст загътой адæмон артист, кино æмæ театры актер Дзтиаты Лактемырæн. Хъыгагæн, не`хсæнæй фæхъуыд. Цыди йыл 67 азы. Йе сфæлдыстадон фæндаг уыд дæргъвæтин æмæ уæрæх. Йæ алæмæты курдиаты фæрцы, ссардта йæ аивадуарзджыты зæрдæтæм фæндаг. Йæ сурæттæ сты æнусон. Стыр курдиаты хицауы тыххæй дзурæн ис бирæ. Лактемырæн театр уыд йæ цард æмæ йыл æвæлладæй фæкуыста 40 азы. Уæдæ йæ алæмæты зард дæр цæй аккаг уыдысты? Ирон аивады ирддæр стъалыйы, уæздан æмæ æцæгæйдæр «ирон адæймаджы» ном хæссынæн аккаг чи у, уый тыххæй нæ дарддæры æрмæг. Ирон театры сценæйыл ныр 15 азæй фылдæр цæуы спектакль «Нафи æмæ Нафигæйы чызджытæ». Адæмы уарзондæр сурæттæй иу – бæрзонд, хæрзконд ацæргæ лæг Джибыл. Йæ цырдзонд ныхæстæ æмбисондæн баззадысты театрдзауты зæрдæты. Хъазы йæ Цæгат Ирыстоны адæмон артист Дзтиаты Лактемр. Лактемр райгуырд 10 октябры 1951 азы. 1980 азы каст фæци Щукины номыл театралон училищайы ирон студи. Йæ цард Тепсарыхъойы фырт снывонд кодта аивадæн.Йæ зæрдæ та сценæйæ балæвар кодта адæмæн. Спектакльты æмæ кинонывты Лактемыры арæзт  сурæттæ  арф фæд уагътой йæ курдиат уарзджыты зæрдæты. Курдиатджын адæймаг алцæмæй дæр курдиатджын вæййы. Лактемр уыцы ныхæстæн уыд æвдисæн. Театры артист, зарæггæнæг,нывгæнæг, фыссæг. Архайдта кинонывты дæр. «Пираты 20 века», «Голос матери», «Август.восьмого» æмæ  æндæр киноты æнустæм баззадысты йæ сурæттæ. Лактемырæй «уыди» зæгъгæ зæрдæ зæгъын дæр нæ комы. Ирон театрæн, хиуæттæн æмæ æмкусджытæн йæ зиан у тынг уæззау хабар. Хистæрæй-кæстæрмæ Лактемыры чи нæ уарзта, ахæм адæймаг нæ уыди. Абон иууылдæр æдзæмæй аззадысты. Театр куыд уарзта, афтæ ма уарзта зарын дæр. Ссæдз азæй фылдæр Лактемр архайдта алыхуызæн зарæггæнæн къордты. 2000-æм азæй нырмæ та куыста Паддзахадон Филармонийы нæлгоймæгты хор «Арион»-ы. Ам дæр Лактемр уыд уарзон æмæ кадджын адæймаг. Кæстæр фæлтæрæн фæзминаг хистæр, никуы иуварс кодта йæхи фæсивæдæй. Бафæрсынмæ æмæ куысты мидæг исты æххуыс хъæуы зæгъгæ, уæд кæстæртæ æнæ æфсæрмыйæ цыдысты Тепсарыхъойы фыртмæ. Æмгарджын Лактемр йæ æнæнхъæлæджы ацыдæй бирæ адæмы зæрдæтæ фæриссын кодта. Никуы рох кодта йæ хиуæтты, йе`мкусджыты, йе `мбæлтты. Алкмæмæн дæр дзы йæ зæрдæйы уыд сæрмагонд бынат. Аивад афтæ тынг кæй уарзта, уымæн æвдисæн сты йæ бинонтæ дæр. Йæ бинойнаг Ритæ йемæ фæкуыста Ирон театры. Йæ чызытæ Фатимæ æмæ Алинæ дæр сæ цард сбастой аивадимæ. Абон Лактемырæн æгас Ирыстоны цæрджытæ зæгъто фæстаг фæндараст. Йæ ном адæмæй рох кæ нæ уыдзæн, уый дызæрдыгкаг нæу. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv