15 ахуыргæнæджы рацыдысты республикон конкурс «Педагогон дæсныдзинад»-ы дыккаг къæпхæнмæ

15 ахуыргæнæджы рацыдысты республикон конкурс «Педагогон дæсныдзинад»-ы дыккаг къæпхæнмæ. Ахуырады кусджыты зонындзинæдтæ уæлдæргæнæн институты ацыд регионалон конкурс «Лучший учитель года» æмæ «Педагогический дебют». Фыццæгæм турæн хатдзæгтæ скодтой. Фылдæр балтæ кæмæ уыд, уыцы 15 адæймаджы дарддæр архайдзысты конкурсы дыккаг туры. Архайджытæ стыр бæрæггæнæнтæ кæй райстой, уый тыххæй оргкомитет дыууæ конкурсы баиу кæныны уынаффæ рахаста, æмæ сæ алкæмæн дæр фадат дæтты иухуызон уаврæты ерыс кæнын. Уый фæстæ Ирыстоны кад хъахъæндзысты Уæрæсеон конкурс «Учитель года»-йы финалы. Конкурсы дыккаг туры уыдзысты дæсныйад-æвдисæн ахуыртæ, райдайдзысты 27-æм февралы. Уым рабæрæг уыдзæн 3 финалисты. Конкурсон программæ кæронмæ ахæццæ уыдзæн 28-æм февралы «Разговор с министром», зæгъгæ, хæслæвæрдимæ. Уæлахиздзау та рабæрæг уыдзæн 29-æм февралы кадджын уавæры йæ схорзæхджын кæндзысты. «Мах хатдзæгтæ скодтам, фыццаг туры чи архайдта, уыцы конкусанттæн. Сбæрæг сты ахуыргæнджытæ, дыккæг къæпхæнмæ чи рахиздзæн, уыдон. Ныртæккæ равдисдзысты мастер класстæ. Уый фæстæ та «Разговор с министром», зæгъгæ, архайдзысты уыцы хæслæвæрды», - Цæгат Ирыстон-Аланийы ахуырады кусджыты зонындзинæдтæ уæлдæргæнæн институты ректор Исахъты Людмила. «Ацы конкурсæй мæм ис æрмæстдæр хорз æнкъарæнтæ, уымæн æмæ нын Цæгат Ирыстоны ахуырады кусджыты зонындзинæдтæ уæлдæргæнæн институт стыр æххуыс скодта, уыимæ, хистæр ахуыргæнджытæ дæр, æппæт уроктæ скæнынæй нæм фæкастысты. Уымæ гæсгæ мын тынг æнцон уыд архайын», - Камбилеевкайы фыццæгæм скъолайы физикæйы ахуыргæнæг Александра Рыжкова. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv