Цæгат Ирыстоны бирæуæладзыгон хæдзæртты цæрджытæ лифтыты фиддонтæ не ххæст кæнынц

2019 азы нæ республикæйы сæрмагонд программæмæ гæсгæ бирæуæладзыгон хæдзæртты раивтой лифтытæ. Æдæппæтæй пъланмæ гæсгæ раивтой 133 лифты 44 хæдзары Дзæуджыхъæуы æмæ Алагиры районы. Ног лифтытæй адæм пайда кæнынц, фæлæ сын фидгæ нæ кæнынц. Уый тыххæй фехъусын кодтой нæ республикæйы бындурон рацарæзты фонды минæвæрттæ. Инæлар Доваторы номыл уынджы бирæуæладзыгон хæдзары лифтытæ 20 азæй фылдæр ивд нæ уыдысты. Фарон сæ раивтой ногтæй. Дзуапп дæттынц æппæт нырыккон домæнтæн дæр. Сæ куыстæй сын цæрджытæ разы сты. Уæдæ, æмбæлгæ фидддонтæ дæр фæткмæ гæсгæ фидынц. Фæлæ, хæдзары æппæт цæрджытæ ахæм хъуыдыйыл хæст не сты. Куыд зæгъынц, афтæмæй кусынц къуылымпытимæ. Æдæппæтæй нæ республикæйы сæрмагонд программæмæ гæсгæ раивтой 133 зæронд лифты 44 бирæуæладзыгон хæдзары. Се 'хсæн Владикавказскæйы уынджы 1 хæдзар дæр. Ам дæр хæдзары цæрджытимæ аныхас кодтам лифтыты куысты тыххæй. Стæй, лифтыты куыстæн афойнадыл æххæст кæнынц фиддонтæ, æви нæ уый базонынмæ. Лифтытæ ивд цыдысты сæрмагонд программæмæ гæсгæ. Бахардз сыл кодтой 292 милуан сомы. Нæ республикæйы бындурон рацарæзты фонды нын куыд бамабарын кодтой, афтæмæй цæрджытæ ног лифтытæй пайда кæнынц. Фидгæ та сын нæ кæнынц. 2019 азы фиддонтæ 38 процентæй фылдæр нæ систы. Елена Муратова, РЦИ-Аланийы бындурон рацарæзты фонды хайады разамонæг: «Ныртæккæ нæ республикæйы бындурон рацарæзты фиддонтæ хорз уавæры не сты. Регионалон оператор цас рæстæг кусы, уæдмæ 22 процентæй фылдæр никуы уыдысты. Иннæ регионтимæ абаргæйæ, зæгъæн ис, æмæ стæм, гыццыл ма бахъæуа, фæстаг бынаты. Ног лифтытæй адæм пайда кæнынц, фæлæ фидгæ нæ кæнынц. Лæвар ивд æрцыдысты сæ лифытæ. Зæгъæм, Владикавказскæйы уынджы 1-аг хæдзары 7 ног лифтыл бахардз кодтам 15 милуан сомы. Сæ фиддонтæ та 19 процентæй фылдæр не сты. Афтæ Московскæйы уынджы хæдзары дæр». Бирæуæладзыгон хæдзæртты цæрджытæ лифтыты куыстæн фидын куы нæ райдайой, уæд регионалон операторы бахъæудзæн фиддонтæ тæрхондоны уынаффæмæ гæсгæ æбмырд кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv