Разамынд дæттыны æмæ бюджетон къабазы цæстдарды миниуджытæ фæхуыздæр кæныны тыххæй бæстæйы Президент Владимир Путин радта сæрмагонд амынддзинæдтæ. Куыд æххæстгонд цæуынц, ууыл ныхас цыд хицауады æмбырды. Амыдта йæ Уæрæсейы Президенты æххæстбарджын минæвары хæдивæг Цæгат Кавказы федералон зылды Владимир Надыкто. Видеобастдзинады руаджы æмбырды архайдта Цæгат Ирыстоны хицауады сæрдар Дзанайты Барис. Мадзалы ма архайдтой Президенты цæстдарæн управленийы, Хыгъдон палатæйы, Цæгат æмæ Хуссар федералон зылдты Генералон прокуратурæйы управленийы, Федералон къазнадоны минæвæрттæ дæр. Æмбырды хатдзæгтæм гæсгæ, снысан кодтой, риссагдæр фарстатæ куыд алыг кæндзысты, уый.