Абон у Уæрæсейы Суворовы номыл училищæты равзæрды бон

Абон у Уæрæсейы Суворовы номыл училищæты равзæрды бон. Кусын райдыдтой 19 декабры 1943 азы. Уый фæдыл Цæгат Кавказы Суворовы номыл æфсæддон училищæйы сарæзтой кадджын мадзал. Æрбамбырд дзы сты Фыдыбæстæйы стыр хæсты ветерантæ, училищæйы ахуыргæнинæгтæ æмæ йæ раздæры рауагъдонтæ. Мадзалы уазджытæ училищæйы ахуырдзаутæн бæрæгбоны фæдыл арфæйы ныхæстæ ракодтой. Училищæйæн хъæздыг истори ис. Йæ рауагъдонты 'хсæн ис бирæ номдзыд æфсæддонтæ, спортсментæ, культурæйы архайджытæ. Кадджын мадзалы рæстæг училищæйы ахуырдзауты схорзæхджын кодтой, хорз бæрæггæнтæ кæй æвдисынц, уый фæдыл. Ахуыргæнджыты ахсджиаг куыст дæр фæбæрæг кодтой кады гæххæттытæ æмæ хæрзиуджытæй. Ныртæккæ училищæйы ахуыр кæны 230 лæппуйы. Ахуыр кæнынц 5 къласæй 11 къласы онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv