Нырыккон журналистикæйы форум «Æппæт Уæрæсе - 2019» кæронбæттæн скодта

Нырыккон журналистикæйы форум «Æппæт Уæрæсе-2019» кæронбæттæн скодта. Цалдæр боны дæргъы дзыллон информацион фæрæзты кусджытæн арæзтой алыхуызон фембæлдтытæ, сæрмагонд лекцитæ æмæ дæсныйад æвдисæн ахуыртæ. Цымыдисагæй дзы бирæ уыд. Раст зæгъыс, Сабинæ. Хорзæй цы уыди, уый базыдтон мæхæдæг дæр. Ацы аз, радон хат, форумы бацархайдта Цæгат Ирыстоны делегаци. Уыди æппæты стырдæр. Сочимæ абалц кодтам 20 адæймагæй. Се ’хсæн æз æмæ ма не ’мкусæг дæр. Фембæлдыстæм дæсны журналисттимæ. Семæ ныхас кодтам ахсджиаг темæтыл. Бирæ ног цыдæртæ базыдтам. Бацархайдтам конкурсты æмæ сæ фылдæрты лæвæрттæ нæхи фесты. Уæдæ ма форумы уазджытæн ирон чъиритæ дæр бахæрын кодтам. Иу дзырдæй, бирæ хъæугæ æмæ пайдайæг мадзæлттæ. Бæлвырд уыдæттыл бацæттæ кодтон æрмæг æмæ ма йæм бакæсæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv