Сочийы райдыдта нырыккон журналистикæйы форум «Вся Россия - 2023»
Сочийы райдыдта нырыккон журналистикæйы форум «Вся Россия - 2023». Уæрæсейы алы регионтæй ацы ранмæ æрцыд 1000 журналисты бæрц. Се 'хсæн бæстæйы ног регионты минæвæрттæ дæр. Журналистæм æнхъæлмæ кæсынц дæсныйадæвдисæн ахуыртæ, практикумтæ, лекцитæ Уæрæсейы егъау редакциты разамонджытæй, уыимæ ма æфсæддон кореспонденттæй. Алы регион дæр бацæттæ кодта сæрмагонд презентаци сæ медиа фæрæзтæн, конкурстæ æмæ равдыстытæ. Форумы архайы Цæгат Ирыстоны делегаци 21 адæймагæй. Сæ сæргъы республикæйы мыхуыры хъуыддæгты æмæ дзыллон коммуникациты комитеты сæрдары хæдивæг Гæбæлаты Мæдинæ. Презентаци "Алани: ивгъуыдæй фидæнмæ"-йы равдисдзысты регионы культурæ æмæ традицитæ. Нæ стенды презентаци уыдзæн 21-æм сентябры.
Сочийы райдыдта нырыккон журналистикæйы форум «Вся Россия - 2023». Уæрæсейы алы регионтæй ацы ранмæ æрцыд 1000 журналисты бæрц. Се 'хсæн бæстæйы ног регионты минæвæрттæ дæр. Журналистæм æнхъæлмæ кæсынц дæсныйадæвдисæн ахуыртæ, практикумтæ, лекцитæ Уæрæсейы егъау редакциты разамонджытæй, уыимæ ма æфсæддон кореспонденттæй. Алы регион дæр бацæттæ кодта сæрмагонд презентаци сæ медиа фæрæзтæн, конкурстæ æмæ равдыстытæ. Форумы архайы Цæгат Ирыстоны делегаци 21 адæймагæй. Сæ сæргъы республикæйы мыхуыры хъуыддæгты æмæ дзыллон коммуникациты комитеты сæрдары хæдивæг Гæбæлаты Мæдинæ. Презентаци "Алани: ивгъуыдæй фидæнмæ"-йы равдисдзысты регионы культурæ æмæ традицитæ. Нæ стенды презентаци уыдзæн 21-æм сентябры.