6 æрыгон специалисты райстой сертификаттæ фæйнæ милуан сомы

6 æрыгон специалисты райстой сертификаттæ фæйнæ милуан сомӕн. Радта сын сæ республикæйы арæзтад æмæ архитектурæйы министры хæстæ рæстæгмæ æххæстгæнæг Моргуаты Константин. Хæстæгдæр рæстæг ма паддзахады æххуыс райсдзысты ноджы 6 адæймаджы. Æрыгон специалисттæ иууылдæр архайдтой республикон программæ «Обеспечение доступным и комфортным жильем граждан Северной Осетии». Уæ зæрдыл уын æрлæууын кæндзыстæм, раздæр хицауады æмбырды снысан кодтой, цæрджытæй хæдзар æлхæнгæйæ субсиди чи райсдзæн, уыдоны номхыгъд. Программæйы архайæг суæвын сæ бон у 40 азы кæуыл нæма сæххæст, уыдон. Се 'хсæн æрыгон специалисттæй хъæуты ахуырадон, æнæниздзинад хъахъхъæнынады æмæ культурæйы организациты чи кусы, уыдон. Ацы аз радтой 18 сертификаты. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv