«ЦæгатКавказЭнерго»-йы фæллойы хъахъхъæныны бон

«ЦæгатКавказЭнерго»-йы хайады ацыд радон фæллойы хъахъхъæныны бон. Йæ сæйраг нысан - куыстуаты хъыгдард баййафын ма бауадзын æмæ аварион-цалцæггæнæн куыстытæ æдасæй арæзгæ куы цæуынц, уыцы цæстдарды системæмæ æркæсын. Сæрмагонд къамис сбæрæг кодта фæллойы хъахъхъæнынады æмæ зынгсирвæзты ныхмæ æмбæлгæ уавгæвæрдтæ куыд æххæстгонд цæуынц, уый. Зæгъæм: кусджытæ сæрмагонд кусæн дзаумæттæй куыд æххæст сты, уыимæ ма куыстуатон æмæ техникон гæххæттытæ раст куыд фыссын хъæуы, уый. Бæрæгбоны агъоммæ ма арæзт æрцыдысты пъланмæ гæсгæ, æндæр ахæм сæрмагонд басгæрстытæ. Кастысты бригадтæм, цалцæггæнæн æмæ дзæбæхгæнæн куыстытæ кæй бæрны сты, уыдонмæ. Æдæппæтæй уыцы мадзæлтты бацархайдтой 500 адæймагæй фылдæр. Куыстадон æдасдзинады æмæ цæстдарды управленийы разамонæг Абайты Артуры ныхæстæм гæсгæ, сæйраг нысан у цæстдарды фарстайыл бæстонæй бакусын. Уæ зæрдыл уын æрлæууын кæндзыстæм, Фæллойы хъахъхъæныны бæрæгбон арæзт цæуы алы мæй дæр. Мадзалы хатдзæгтæм гæсгæ сбæлвырд сты ног уагæвæрдтæ. Уыдон аиуварс кæндзысты цы къуылымпыдзинæдтæ рабæрæг кæнынц, уыдон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv