Дзæуджыхъæуы цæуы Цæгат Кавказы интеллектуалон олимпиадæ

Дзæуджыхъæуы цæуы Цæгат Кавказы интеллектуалон олимпиадæ «Кредо – знание». Хистæркълассонтæ ерыс кæнынц физикæ, математикæ, хими, биологи æмæ информатикæйæ зонындзинæдты. Æртæ боны дæргъы фылдæр балтæ чи æрæмбырд кæна, уый фæуæлахиз уыдзæн. Олимпиадæ арæзт цæудзæн Цæгат Кавказы федералон зылды регионты радыгай. Мадзаларазæг - ахуырадæн æххуысы фонд «Кредо – Знание». Архайджытæ сты 10-11 кълæсты ахуыргæнинæгтæ Цæгат Кавказы федералон зылд æмæ Хуссар Ирыстонæй, алы регионæй дæр 5 минæвары. Сæйраг нысан - фæсивæды 'ргом зонадон архайдмæ аздахын. Уæлахиздзаутæ сбæрæг уыдзысты 28-æм апрелы.