Цæгат Ирыстоны хæсджынты 92% сæ электрон тых алыг кæныны размæ сæ фиддонтæ баххæст кодтой

Цæгат Ирыстоны хæсджынты 92% сæ электрон тых алыг кæныны размæ сæ фиддонтæ баххæст кодтой. «Цæгаткавказэнерго» дыууæ мæйы æмгъуыдмæ электрон тых техникон æгъдауæй алыг кæнынмæ райста 12 мин курдиаты. Уыдонæн сæ фылдæр хай электромонтерты бригадмæ нæ лæууыдысты, фæлæ сæ хæстæ баххæст кодтой. Специалисттæ 377 фæлхасгæнæджы электрон тыхæй фæиппæрд кодтой. Уыдонæй 40 фæлхасгæнæджы сты, юридикон бæрнондзинад кæмæ ис, ахæмтæ. Æппæты фылдæр курдиæттимæ бакуыстой Мæздæджы районы. Хуыздæр бæрæггæнæн æвдисы Æрæфы æмæ Дыгуры район. Ам рухс ахуыссын кодтой æрмæстдæр 10 адæймагæн. Зæгъæм, Мæздæджы районы уыцы бæрæггæнæн у 251 абоненты. Сæрмагонд хъусынгæнинæгты фæстæ иумæйаг хæсæн йæ 92% фыст æрцыд. Электрон хызæгты лæггæдтæн æппындæр чи нæ фиды, уыдонмæ та æнхъæлмæ кæсынц уæлæмхасæн хæрдзтæ. Сæ ныхмæ дарддæр административон хъуыддæгтæ гом кæндзысты. Бæрнон бынаты кусæг адæймæгтæ фиддзысты ивар 40-æй 100 мин сомы онг. Юридикон куыстуæтты хицæуттæй та æрдомдзысты 100 минæй 3 сæдæ мин сомы онг ивар. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv