Цæгат Ирыстоны схорзæхджын кодтой инвалид сывæллæттæн чи `ххуыс кæны, уыдоны

«Ныййарджыты бузныг». Ахæм премийæ схорзæхджын кодтой, йе `нæниздзинад хъыгдард кæмæн у æмæ уыцы сывæллæтæм йе 'ргом чи здахы, уыдоны. Йæ амидингæнæг у инвалид-сывæллæтты ныййарджыты æппæтуæрæсейон организаци. Преми сарæзтой ацы аз. Лауреатты фæбæрæг кодтой цалдæр номинацимæ гæсгæ. Сывæллæты курдиат раргом кæнынмæ йе `вæрæн чи хæссы, паддзахадон æгъдауæй сын чи æххуыс кæны, стæй йе `нæниздзинад хъыгдард кæмæн у, уыцы сывæллæттæ æмæ сæ бинонтæм цæстдарджыты схорзæхджын кодтой майдантæ æмæ Кады гæххæттытæй. Премийы лауреатты `хсæн уыдис нæ республикæйы сæргълæууæг Битарты Вячеслав, Уæрæсейы Советы сенатор Фадзайты Арсен, парламенты депутат Доййаты Светланæ. Æдæппæтæй лауреаттæ уыдысты 20. Се 'хсæн - дохтыртæ, журналисттæ, паддзахадон архайджытæ æмæ ахуырадон кусæндæтты разамонджытæ. Мадзалы архайджыты зæрдæтæ ма бахъæлдзæг кодтой концертон программæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv