Мидхъуыддæгты министры пресс-конференци

Нæ республикæйы Мидхъуыддæгты министр Михаил Скоковæн абон уыдис пресс-конференци. Журналисттæн радзырдта, министрадæн ивгъуыд азмæ саразын цы бантыст æмæ сæм цы пълантæ ис, уый тыххæй. Йæ ныхæстæм гæсгæ, 2017-æм азы гом цы фыдракæндтæ ’рцыдысты, уыдоны бæрц фæфылдæр. Уыимæ ма стæмдæр фесты лæгмæрдтæ, дæвдтытæ æмæ цардыуагимæ баст æндæр фыдракæндтæ. Наркотикты ныхмæ та цыд уæлдай бæстон куыст. Уыдон ауæй кæныны цаутæ дыууæ хатты фылдæр рабæрæг кодтой. Фæндаггон бæллæхтæ дæр 4% фæкъаддæр сты. Журналисттæ ма бафарстой горæты раздæры мэр Дзантиаты Сергейы хъуыддаджы тыххæй. Куыд рабæрæг, афтæмæй йæ тæрхоны `мбырд 24-æм апрелмæ хаст æрцыд. Михаил Скоков ма фæбæрæг кодта, ацы аз фæсивæды патриотон хъомыладмæ уæлдай цæстдард кæй уыдзæн, уый. Зæгъæм, Петр Барбашовы номыл мемориал фестырдæр кæндзысты. Сараздзысты дзы музей хæстон техникæ æмæ хуызистытимæ. Уымæй уæлдай ма Намысы аллеяйы дæр байгом кæндзысты ног мемориал. Адæм дзы зонгæ кæндзысты, йæ службæйы рæстæг чи фæмард, уыцы хъæбатырты нæмттимæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv