Рæсугъд аивад

Дзæуджыхъæуы Историон музейы байгом Абайты Вероникæйы нывты равдыст «Мæ арм – зæрдæйы тæнтæ` вдисæг», зæгъгæ, номимæ. Цæгат Кавказы Хæххон-Металлургон институты студенткæ нывгæнæг нæу. У архитектор. Фæлæ йын аивады дæр хорз æнтыстдзинæдтæ ис. Æрыгон чызг ахæм фæндагйæхицæн барвæндонæй равзæрста. Рагæй йæм бæллыд. Йæ куыстытæ алыхуызон техникæты конд сты – акварель, гуашь, коллаж æмæ гобелен. Ныв кæнын æрыгон чызгæн æххуыс кæны йæ цæстæнгас дунемæ райхалын æмæ рæсугъд хъуыдытыл хæст уæвын. Йæ нывтыл бакуыста 1-æм æмæ 2-æм курсы ахуыр кæнгæйæ. Цалдæр нывы та ацы аз скодта. Йæхæдæг куыд зæгъы, афтæмæй æнæ йæ ахуыргæнæг Ларисæ Павловайы æххуысæй равдыст саразын зындæр уыдаид. Æмæ дзы у тынг бузныг. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv