Цæгат Ирыстоны хицауады сæрдар Тускъаты Таймураз уыд кусæг балцы Кировы районы

Абон Цæгат Ирыстоны хицауады сæрдар Тускъаты Таймураз уыд кусæг балцы Кировы районы. Сæрмагонд æмбырды бынæттон администрацийы сæргълæууæг Батяты Хъазыбег радзырдта районы социалон- экономикон райрæзты хъуыддæгты тыххæй. Уæлдай æргом аздæхта социалон нысаниуæг кæмæн ис ахæм объектты арæзтадмæ. Ивгъуыд аз Елхоты байгом кодтой ног скъола. Ахуыр кæнын фадат дзы ис 360 скъоладзауæн. 2021 азмæ фæнд кæнынц ног скъола саразын Змейкæйы дæр. Уыдзæн дзы 550 бынаты. Иу ахуыргæнæндон ма фæзындзæн Дар-Къохы дæр. Уымæй уæлдай ма районы бирæ хъæуты хæтæлтæ заууатмæ æрцыдысты. 60 километрæй фылдæр хæтæлтæ фæнд кæнынц ногæй раивын. Районы ма уæлдай æргом здахынц хъæууон хæдзарады райрæзтмæ. Фæнд кæнынц дыргътæ æвæрæн саразын. проекты аргъ - 2 миллиардмæ ввахс. Районы ма фæзындзæн кæсаджы куыст чи кæны ахæм куыстуæттæ дæр. Уый тыххæй та фæрæзтæ хъæуы 300 милуан сомы. Республикæйы экономикон райрæзты министры хæдивæг Дзоблаты Зураб радзырдта паддзахад ахæм проетты райрæзтæн цæмæй баххуыс кæндзæн уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv