Æппæтуæрæсейон адæмон фронты уæнгтæ бабæрæг кодтой социалон объектты арæзтад

Æппæтуæрæсейон адæмон фронты уæнгтæ дарддæр æхсæнадон бынæтты уавæр бæрæг кæнынц. Бæлвырддæр – «Благоустройство городской среды», зæгъгæ, проекты объекттæ. Æрæджы æхсæнадон фронты уæнгтæ уыдысты Æрыдоны аллеяйы. Цалцæггæнæн куыстытæ куыд цæуынц, уымæй разыйæ баззадысты. Фæлæ куыд зæгъынц, афтæмæй аразджытæ бынæттон цæрджытимæ иу хъуыдыйыл хæст не сты. Æппæтуæрæсейон адæмон фронты уæнгты хъуыдымæ гæсгæ, хъуамæ арæзтадон куыстыты архайой æрыгон дизайнертæ æмæ архитектортæ. Æмткæй райсгæйæ, Æппæтадæмон фронты уæнгтæ ныридæгæн республикæйы бабæрæг кодтой 12 æхсæнадон бынаты æмæ 40 хæдзары кæрты. Фидæны пълæнтты - дарддæр дæр сæрмагонд проекты объекттæм кæсын. Нæ бæстæйы президент Владимир Путин раздæр Уæрæсейы хицауадæн бабар кодта, цæмæй проекты цы объекттæ ис, уыдон фæткмæ гæсгæ срæвдз уой.  Æппæтуæрæсейон адæмон фронты регионалон штабы уæнг Гæлиты Клим: «Ныридæгæн нысан кæнæм, цы куыстытæ æмæ цы рæстæгмæ баххæст кæндзыстæм, уый. Уый уыдзæн, æвæццæгæн, ноябры мæй. Хъуамæ арæзтадон компанитæн сæ куысты хæрзхъæддзинадмæ фаутæ мæчи хæсса. Иубонваг куыстытæ нæдæр сæхи, нæдæр адæмы хъæуынц». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv