Октябрскæйы хъæуы кæронмæ фесты парк цалцæг кæнын

«Горæты анцонвадат» федералон проекты фæлгæты Цæгат Ирыстоны алы районы арæзтадон куыстытæн рахай кодтой 8 милуан сомы. Ныртæккæ нывылгæнæн куыстытæ цæуынц фæткмæ гæсгæ. Октябрскæйы хъæуы кæронмæ фесты парк цалцæг кæнын. Йæ хæрзхъæддзинадмæ йын æркастысты Æппæтуæрæсеон адæмон форнты уæнгтæ. Регионалон хайады кусджытæ радон рейды рацыдысты. Сбæрæг кодтой ахсæнадон бынæтты цалцæг куыд сæхæст кодтой, уый. Октябрьскæйы ацы фæлладуадзæн бынат у иунæг. Ис дзы куыд тезгъо кæнæн бынат, афтæ цъæх фæз дæр. Уæдæ дзы сæрдыгон рæстæг та адæмæн бацæттæ кæнынц хиирхæфсæн программæтæ дæр. Еситы Руслан, горæтгæрон районы муниципалон сконды сæргълæууæг: «Мах хъуамæ ам тагъд скæнæм фæлладуадзæн æмæ концертон бынат. Уымæн æмæ йæ разы ис музыкалон скъола. Адæмæн дзы сæ бон уыдзæн чысыл сценикон равдыстытæ æмæ концертон программæтæ аразын. Уымæй уæлдай ма дзы сывæллæтæн хъуамæ скæнæм егъау фæз». Куыстыты хъæрзхъæддзинадмæ та лæмбынæг кæсынц Æппæтуæрæсеон адæмон фронты активисттæ.   Александр Купцов, «Æппæтуæрæсеон Æдæмон Фронт»-ы регионалон хайады уæнг «Ныртæккæ цы уынæм, уый нæ зæрдæмæ цæуы. Ацы куыстытæм нæ хъус дарæм кæдæриддæр. Скодтам теплотрассæ дæр. Ацы бынатмæ нæ ногæй цæуын нал хъæудзæн, уымæн æмæ йæ хорзбанывыл кодтой». Ахæм хорз фадæттæ уыдзæн Беслæны цæрджытæн дæр. Ам бацалцæг кæндзысты центрон аллей дæр. Ногæй скæндзысты фæндаджы уæлцъар, рухсытæ, бацалцæг кæндзысты къæвдадон кæдæм цæуы, уыцы бынæттæ дæр.  Александр Купцов, «Æппæтуæрæсеон Æдæмон Фронт»-ы регионалон хайады уæнг «Цы куыстытæ скодтой, уыдонæн тагъд рæстæджы хатдзæгтæ скæндзыстæм. Нырма уал нæм фиппайнæгтæ нæй. Ныртæккæ цæуыл кусынц, уый уынæм, хъуамæ сæ бæрæггон рæстæгмæ фæуой». Æмæ ма иу фæлладуадзæн бынат Сæрибардзинады парчы дæр. Ацы ран бирæ куыстытæ ис. Бæстыхай стыр кæй у, уый фæрцы дизайнертæн сæ фæндтæ сæ къухты бафтдзысты. Ныридæгæн дзы дидинджытæ ныссагътой. Уæдæ фæткæвæрдмæ та лæмбынæгæй кæсдзысты сæрмагонд видеоцæстдардæн камерæты фæрцы. Æппæт ацы фадæттæ хъуамæ цæрджытæн стыр ахъаз фæуой. Сæ фæллад дзы уаддзысты афæдзы алы афон дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv