Дзæуджыхъæуы уынгтæм рацæудзæн 6 ног автобусы. ПАЗ Vector Next ифтонггонд у кондиционер, видеоцæстдард, электронон табло, тахограф, системæ ГЛОНАСС, ис дзы банчы картæйы фæрцы бафидыны фадат. Хæдтулгæйы ис 25 бадæн бынаты. Автобустæ цæудзысты маршруттæ 60, 61, 51, 52, 14, 20 æмæ 12-ыл. Фæндаггаджы аргъ — 13 сомы. Ног транспорт балхæдтой "Сбербанкимæ" лизингы бадзырдмæ гæсгæ. Августы кæронмæ ма горæтæн ратдзысты 22 автобусы. Уыдонæй 7-ы, се 'нæниздзинад хъыгдард кæмæн у, уыцы цæрджытæн хъæугæ фадæттæ сараздзысты. Дзæуджыхъæуы администрацийы сæргълæууæг Милдзыхты Вячеслав ног автобусты уавæр сбæрæг кодта йæхæдæг.