Банхъæлмæ кæсæм

Цæгат Ирыстоны арбитражон тæрхондон уынаффæ рахаста, цæмæй республикæйы фæлхасгæнджытæм цæстдарды управленийæн радтой æххæстгæнæн сыф. Уымæ гæсгæ завод «Электроцинк» хъуамæ æнæмæнг сæххæст кæна, 2010-æм азы цы бадзырд сфидар кодтой, уый домæнтæ. Ахæм уынаффæ рахаста абон тæрхонгæнæг Марина Коптева. Фæлæ бæлвырдæй бæрæг нæма у, куыд æмæ цавæр мадзæлттæй сæххæст кæндзысты уынаффæ. Уый сбæрæг кæндзæн фæлхасгæнджытæм цæстдарды управленийы федералон службæ. Æххæстгæнæн сыф райсдзысты 5 боны фæстæ. Уæ зæрдыл уын æрлæууын кæндзыстæм, завод «Электроцинк» æмæ Фæлхасгæнджытæм цæстдарды управлени иумæ бафыстой бадзырд. Амынд дзы куыд ис, афтæмæй 2015 азмæ хъуамæ заводы алфамблай санитарон уавæртæ сарæзтаиккой. Фæлæ завод уыцы домæнтæ нæ сæххæст кодта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv