Хетæгкаты Къостайы зындгонд поэмæ «Фатимæ» мæ гæсгæ ист киноныв тагъд фенæн уыдзæн ирон æвзагыл

Ацы аз 160 азы æххæст кæны ирон литературæйы бындурæвæрæг Хетæгкаты Къостайы райгуырдыл. Бæрæгбоны агъоммæ нæ республикæйы аразынц алыхуызон кадджын мадзæлттæ. Ирон адæм рагæй цæмæ æнхъæлмæ кастысты, уый тагъд рæстæджы сæхи цæстæй фендзысты. Хетæгкаты Къостайы зындгонд поэмæ «Фатимæ»-мæ гæсгæ ист киноныв тагъд фенæн уыдзæн ирон æвзагыл. Уый тыххæй та егъау куыст бакодтой Цæгат Ирыстоны алы театырты актертæ. Æрбангом сты æмæ бацархайдтой кинойы архайджыты иронау сдзурын кæныныл. Куыд æй зонут, афтæ раздæр ацы киноныв уыд ирон æвзагыл, фæлæ уыцы лентæ фесæфт. Семен Долидзейы кинолентæ истой уырыссаг æвзагыл, уый фæстæ та йæ ратæлмац кодтой ирон æвзагмæ. Фæлæ историон дубляж сæфт æрцыди. Ныр ын сног кодтой йæ хъайтарты хъæлæстæ, музыкæ, стæй нывтæ. «Фатимæ»-йы ног хуызæн аивадуарзджытæ аргъ скæндзысты октябры астæу. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv