Хетæгкаты Къостайы номыл мемориалон хæдзар-музейы ацыд педагогон институты аивадон æмæ музыкалон хай

Аивадон æмæ музыкалон хайад «Вдохновение»-йы студенттæ бацæттæ кодтой сæ дипломон куыстытæ нывкæнынадæй. Абон Цæгат Ирыстоны педагогон институты аивадон æмæ музыкалон хайады студенттæ Хетæгкаты Къостайы номыл мемориалон хæдзар-музейы кадджын уавæры равдыстой сæ нывты равдыст. Æвдыст дзы æрцыд 50 куыстæй фылдæр, сты алыхуызон темæйыл конд. Мадзалмæ хуынд æрцыдысты ахуыргæнджытæ, студенттæ, республикæйы аивады сгуыхт архайджытæ æмæ аивадæн аргъ чи кæны, уыцы адæм. Музыкалон хайады педагог Баллаты Натальяйы ныхæстæм гæсгæ, студенттæн ахæм равдыстытæ сты пайда, уымæн æмæ сæ фæлтæрддзинад кæны фылдæр. Студенттæ архайынц акварельы ахорæнтæй. Аразынц хуызджын нывтæ, нæ алфамблайы цыдæриддæр рæсугъдæй ис, уыдон ныв кæнынц. Алы нывæн дæр ис йæхи ахадындзинад, алы кары адæммæ дæр кæсынц цымыдисаг, зæгъы 4-æм курсы студент Цæриаты Дэвид. Уый 4 азы ахуыр кæны ацы дæсныйадыл, хуызджын нывтæ кæныныл уагътагъд дæр сахуыр. Кæд æм зын каст, уæддæр йæ ахуыргæнæджы амынддзинæдтæ йын уыдысты æххуыс. «Сæйрагдæр ацы равдысты фенæн ис натюрморттæ дидинджытæ, хъуымацыл нывæфтыдтæ. Ацы хъуыддаг тынг ахсджиаг у, уымæн æмæ ахуырдзауты разæнгард кæны нывкæнынадмæ, сæ бон фенæн уыд чи сæ цавæр нывтæ скодта, уыцы хатдзæгтæ», - аивадон æмæ музыкалон хайады педагог Баллаты Наталья. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv