Октябрьскæйы хъæуы стадионы арæзтадон куыстытæ кæронмæ æрхæццæ сты

Октябрьскæйы хъæуы стадионы арæзтадон куыстытæ дæр кæронмæ æрхæццæ сты. Уым фæзынд «Фæллой æмæ хъахъхъæныны» домæнтæн дзуапп чи дæтты, ахæм спортивон фæз.  Ацы куыстуат фæзынд фæсивæды хъуыддæгты æмæ спорты министрады хъæппæрисæй, сæрмагондæй нысангонд федералон программæ «Физкультурæ æмæ спорты райрæзт»-ы фæлгæты. Цыбыр рæстæджы æмгъуыдмæ дзы фæзындысты тренажертæ, турниктæ æмæ хъæугæ гæрзтæ. Уыимæ ма дзы байтыдтой резиннæ уæлцъар. Æрæджы дзы ацыдысты «Фæллой æмæ хъахъхъæныны» нормативтæ дæр. Бацархайдтой дзы Октябрьскæйы скъоладзаутæ. Ацы программæйы фæлгæты ма арæзт æрцæудзысты спорты алы хуызтæн бæзгæ фæзуæттæ дæр. Иннæ аз та ма ахæм фæзуæттæ хъуамæ реконструкцигонд æрцæуой Камбилеевкæ æмæ Сунжæйы. Ныридæгæн ма ахæм площадкæтæ арæзт цæуынц Алагиры, Æрæфы æмæ Æрыдоны районты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv